Сустрэчу з Прабова Суб’янта не анансавалі, пра яе завяршэньне неафіцыйны тэлеграм-канал прэс-службы Лукашэнкі паведаміў у 21:53.
«Размова доўжылася амаль тры гадзіны, — сьцьвярджаецца на сайце Лукашэнкі. — За гэты час лідэры абмеркавалі максымальна шырокае кола тэмаў».
Падкрэсьліваецца, што палітыкі сустрэліся ў нефармальнай абстаноўцы — Аляксандр Лукашэнка запрасіў інданэзійскага кіраўніка да сябе дамоў.
«Я рады вітаць вас тут, у гэтым доме, і гатовы з вамі абмеркаваць усе пытаньні, якія могуць быць на парадку нашых адносін», — сказаў Лукашэнка.
У сваю чаргу Прабова Суб’янта адзначыў:
«Я вельмі спадзяюся, што неўзабаве вы знойдзеце магчымасьць наведаць і мой дом у Інданэзіі».
Прэзыдэнт Інданэзіі наведаў Беларусь, вяртаючыся з Эўразьвязу, дзе правёў шэраг перамоваў. 14 ліпеня ён сустрэўся ў Парыжы з прэзыдэнтам Францыі Эманюэлем Макронам, днём раней у Брусэлі — з кіраўніцай Эўракамісіі Урзуляй фон дэр Ляен.
19 чэрвеня ў рамках Пецярбурскага міжнароднага эканамічнага форуму Прабова Суб’янта сустракаўся з прэзыдэнтам Расеі Ўладзімірам Пуціным.
Форум