Перад гэтым Беларусь і кіраўніцтва другога па велічыні гораду Расеі падпісалі пагадненьне пра тое, што зборка аўтобусаў будзе праходзіць у самым Санкт-Пецярбургу.
Пры гэтым раней праект расейска-беларускай вытворчасьці згарнулі ў Краснадарскім краі Расеі, палічыўшы яго немэтазгодным.
У гэтым горадзе сёньня выкарыстоўваецца 1,9 тыс. беларускіх аўтобусаў і 240 тралейбусаў. Плянуюцца і новыя пастаўкі. Пры гэтым беларускія аўтобусы рэгулярна загараюцца ў час руху ў Расеі і Беларусі, прычынай называюцца санкцыі, уведзеныя супраць МАЗа заходнімі краінамі, якія пазбавілі яго часткі якасных камплектуючых.
Апошні падобны выпадак, пра які пісалі СМІ, быў зафіксаваны ў Іркуцку 5 ліпеня. Да гэтага толькі ў 2025 годзе аўтобусы гарэлі 14 траўня — у Варонескай вобласьці, 5 красавіка — у Санкт-Пецярбургу, 23 сакавіка — у Кіраве, 13 студзеня — у Ліпецку.
ГЛЯДЗІЦЕ ТАКСАМА: «Высокі сабекошт». На Кубані згарнулі праект расейска-беларускай вытворчасьці электробусаў