Апошнія месяцы ў Беларусі працягваюцца затрыманьні ў межах крымінальнай справы за перадачу інфармацыі «Беларускаму Гаюну».
Як паведамлялі былыя вязьні Акрэсьціна, затрыманьні адбываюцца ў межах арт. 361-4 Крымінальнага кодэксу (садзейнічаньне экстрэмісцкай дзейнасьці). Большасьць затрыманых — мужчыны.
Паводле інфармацыі «Вясны», ужо адбылося як мінімум шэсьць судовых працэсаў у гэтай справе.
Праваабаронцам вядома пра як мінімум 26 пацьверджаных фігурантаў «справы Гаюна», якіх зьмясьцілі пад варту. Яны ў СІЗА. Агульная ж лічба затрыманых значна большая, падкрэсьліваюць праваабаронцы.
Праект меў на мэце зьбіраньне зьвестак пра перасоўваньне расейскай вайсковай тэхнікі, у тым ліку дронаў, танкаў і іншага і апавяшчэньне пра гэта ўкраінскі бок. Пасьля скандалу з выцекам зьвестак праект закрыўся.
ГЛЯДЗІЦЕ ТАКСАМА: Брату Ігара Лосіка Мікіту прысудзілі тры гады «хіміі» па справе «Беларускага Гаюна»